[PABATID]

Mahal na mga Magulang at Tagapag-alaga,

Pagbati ng kapayapaan ngayong Buwan ng Wikang Filipino!

Ipinaaalam po namin na sa Biyernes, Agosto 14, 2026, ang Nuestra Señora de Aranzazu Parochial School, Inc. ay magkakaroon ng Asynchronous Learning Schedule para sa lahat ng mag-aaral.

Ang pagbabagong ito sa iskedyul ay upang mabigyang-daan ang pakikilahok ng mga administrador, guro, at piling kawani ng mga paaralan sa MaPSA Antipolo Educational System Online PLC Benchmarking para sa Outcomes-Based Education na pangungunahan ng Our Lady of Peace School, Antipolo City. Ang gawaing ito ay bahagi ng patuloy na pagsisikap ng ating paaralan na mapahusay ang kalidad ng edukasyon, mga programang pang-akademiko, at mga serbisyong iniaalok sa ating mga mag-aaral sa pamamagitan ng pagbabahagi ng pinakamahuhusay na kasanayan sa iba pang mga paaralan sa sistema.

Sa araw na ito, ang mga mag-aaral ay inaasahang:

• Kumpletuhin ang mga gawaing pampagkatuto na ipapaskil ng kanilang mga guro sa MS Teams Learning Management System (LMS).

• Isumite ang mga kinakailangang output ayon sa itinakdang iskedyul ng kanilang mga guro.

• Gamitin ang araw sa makabuluhang pag-aaral sa tahanan sa gabay ng kanilang mga magulang o tagapag-alaga.

Ang regular na face-to-face classes ay magpapatuloy sa susunod na araw ng pasok sa Agosto 17.

Lubos po kaming nagpapasalamat sa inyong patuloy na suporta, pag-unawa, at pakikiisa sa mga programang naglalayong higit pang mapaunlad ang kalidad ng edukasyong ibinibigay ng ating paaralan.

Maraming salamat po at nawa'y patuloy tayong gabayan ng Poong Maykapal.

Lubos na gumagalang,

Julie Ann M. Pajardo (Nakalagda)

Punong-guro